دکلنو په تېرېدو سره دښځو ونډې اخستنې په ټولو سکتورونو او د ژوندانه په هره برخه کې زیاتوالی موندلی دی.
افغاني مېرمنو په ټولنيزو، سیاسي اواقنصادي چارو کې یومهم اړخ جوړکړی دی . که څه هم ددوی د ګډون کچه په نورو سکتورونو لکه : دسیاست په برخه کې، لا تر اوسه هم دقوانینو له مخي تأمينيږي. خو دهغوی دکړو،وړو کچه دخصوصي سکتورونو په چوکاټ کې ددوی دزیار او ژمنو له مخې برابريږي. په خصوصي سکتورکې دښځو د ګډون کچې دپاملرنې وړ پر مختګ کړی دی. ددغه پیاوړتیا دڅرکندیدو په موخه دافغانستان دسوداګرۍ او صنایعو خونې پتېیلې ده (دافغاني سوداګرو مېرمنو لړ ليک)په نوم کتاب چاپ او نشر ته وسپاري.دغه کتاب دسوداګرو مېرمنو دچارو دپیاوړتیا او ودې په موخه خپريږي. دعه کتاب دمېرمنوسوداګريزې کړنې هغو اړوندو کسانواو بنسټونو ته چه اړتیا او لېوالتیا لري ورپېژني او آسانتیاوې ورته برابروي .چه دسوداګرو مېرمنو دسمبالتیا له پاره یو ډېر ښه ګام دی .                                                                        دټولو هغو بنسټونو او کسانو څخه چه ددغه کتاب په جوړښت کې يې زیار ايستلی او ونډه يې اخستي ده خوښي څرکندوو. اودراتلوکي خپراوي دښه وال په خاطر درغتده نيووکو، وړانديزونو او نظريو څخه هر کلی کوو. همدارنګه دښځو دکاري پراختیا (دآلمان دتخنیکي مرستو) له پروژې څخه مننه کوو چه کاري ټیم يې په خپل نووښت او مرستو ددغه کتاب بشپړتیا ممکنه کړې ده.
 
په درناوۍ
محمد قربان (حقجو)
دسوداګرۍ او صنايعودخونې عامل رییس